Búinn að flytja bloggið mitt á stigsson.is þrátt fyrir að sú síða sé enn í vinnslu og sé rétt orðin fokheld.

"Stórfrétt" á Visir.is um daginn af einhverjum gaur sem var meisaður af lögreglu á sjómannaballi. Myndband náðist af atburðinum og fannst þeim er setti myndbandið á netið að aðfarir lögreglu hefðu verið harkalegar þar sem maðurinn var orðinn "rólegur" þegar handtakan átti sér stað.




Viðkomandi sleppti náttúrulega að minnast á það í myndbandinu sínu að sá handtekni hefði verið búinn að rota einn og skalla annan á ballinu . Lögreglan gaf manninum tækifæri á að koma með góðu en hann kaus að fylgja ekki eftir fyrirmælum lögreglu sem þurfti þá að yfirbuga hann með valdi. Þegar ég skoðaði myndbandið í gær þá sást á kommentunum að langflestur meirihluti þeirra sem tjáði sig um málið var á bandi lögreglunnar. Maðurinn hafði farið með um með ofbeldi á ballinu og það kom ekki til greina að leyfa honum bara að "labba burtu". Ég kíkti svo aftur á þetta í dag og ætlaði að tékka á fleiri kommentum, en hvað sá ég. Jú sá er setti myndbandið inná hafði eytt út ÖLLUM kommentum sem voru sammála lögreglunni í þessu máli, eða 80-90% allra kommenta þarna. Já, sannleikurinn getur stundum verið sár.

Nú hljóta Kalli og Guðni að vera kátir. Boston búið að vinna fyrstu 2 leikina og komnir með aðra höndina á titilinn.

Því miður fyrir þá kappa þá er þessi "önnur hönd" ekki mikils virði enda man ég enn eftir því þegar mínir menn í NY voru 3-2 yfir á móti Houston hér um árið (jæja, fyrir 14 árum...hvað tíminn flýgur). Það er enn brennimerkt inn í hausinn á mér myndbrotið af Charles Smith endurtaka í sífellu eftir leik 5 "One win away, one win away!" og svo bráðnunin í leik 6 og 7. Ég vill þó ekki falla í þá gryfju eins og margir að kenna John Starks um að Knicks hafi ekki unnið, þrátt fyrir vægast sagt hörmulega hittni í lokaleiknum. Þeir hefðu jú aldrei komist í leik 7 ef ekki hefði verið fyrir hann. Þeir hefðu líklegast ekki komist upp úr annari umferð úrslitakeppninnar ef ekki hefði verið fyrir hann. Ég vill því taka "the high road" og kenna Pat Riley um allt saman. Það var hann sem skildi ísjökulkaldan Starks inná í stað þess að setja Ronaldo Blackman á völlinn. Og Riley sjálfur hefur viðurkennt það .

En aftur að Celtics og Lakers. Boston menn eru í bílstjórasætinu eins og er eftir tvo sigra á heimavelli. Verst að þeir eru svo slakir á útivelli í úrslitakeppninni að íslenskt 1.deildarlið ætti líklegast séns í þá þar. Og næstu þrír leikir eru í Los Angeles.

Lakers og Celtics í the Finals. Újé. Gæti ekki hafa verið betra. Spurning að leita uppi gamla klassíska PC leikinn sem allir körfuboltaunnendur á mínum aldri ættu að kannast við.

Get ekki verið annað en þakklátur með að þessi lið mætist í úrslitunum. Ýmindið ykkur bara hryllingin ef við hefðum fengið Spurs Vs. Pistons II: The Horror continues.

"I love retelling the story of how Rip once said: "I know before I get the ball if the shot is going in or not." Why do basketball players make ridiculous statements like that? It would be like some idiot saying that this year's Lakers team is the best squad Kobe Bryant's ever been on. Oh, wait...."

Hornets hafa verið harðlega gagnrýndir fyrir að hafa fyrr í vetur skipt Bobby Jackson til Houston fyrir hinn sjálfumglaða Bonzi Wells og Mike James . Allir þrír sökkuðu reyndar hrikalega í úrslitakeppninni þannig að það skiptir ekki máli. Annars var hápunkturinn á þessum skiptum þegar Bonzi og 'My Games' voru kynntir sem leikmenn Hornets...